Má ég heyra þig segja RIJKS!

 

Rijks, eða á góðri hollensku Ræks, nemendur muna kynna sig og námið á Nýló í kvöld. Um er að ræða mastersnám í Amsterdam sem vert er að kynna sér.  Fjörið hefst 20:30 og verða léttar veitingar í boði 

Allt að gerast!

Okkar ástkæra Lísa er með opnun í dag, Aðalstræti 10, klukkan 5 að því tilefni vill Kristján bjóða sínum lífsförunautum á bjórkvöld, Café Amsterdam, klukkan 8. Þeir sem eru snemma á ferðinni verðlaunar Kristján með fríum bjór!

Gleðilega hátíð

Kristján óskar öllum gleðilegs árs og farsældar á komandi ári! JÁ!

Gjörningamaraþon!

Sveitt heitt gjörningamaraþon verður á Nýló í boði myndlistarnema LHÍ, fimmtudaginn 4 des. Startið hefst kl 18:00, mætið og berið fyrir augum ykkar sprelllifandi list!

Kær kveðja

 Kristján

Gjörningakvöld-ið

Gjörningakvöldið verður á fimmtudaginn næsta kl. 18 í Nýló. Fundur verður í hádeginu með Huginn á bókasafninu á mánudaginn.

 Bestu aðventukveðjur

 Kristján

Open mic kvöld frestast

Open mic kvöld verður ekki fimmtdaginn 27. nóv eins og hefur verið auglýst. Kvöldið frestast fram í næstu viku og mun tilkynning birtast um það síðar. Fundað verður með Huginn á fimmtudagsmorgun

kv.

 Kristján

Kristján...Krissi....Stjáni...Chris...

Bank Bank, hver er þar, jú Kristján Nemendafélag Myndlistarnema við LHÍ!!!

 Við erum komin með nafn á nemendafélagið sem er Kristján og kom Sindri Snær á 1. ári með tillöguna. Á föstudaginn var svo haldið upp á skírnina á Café Amsterdam þar sem var blússandi fjör. Hamrað var á spilakössunum ásamt því sem framdir voru þó nokkrir framsæknir gjörningar. Með svo framúrstefnulegu nafni er ekki von á neinu öðru en fjölbreyttri og dugmikilli starfsemi nemendafélagsins. Lengi lifi Kristján!

Open mic

 

Innsendnar upplýsingar frá Rögnu á 2. ári: 

Eins og einhverjir við skólann vita stendur til að hafa gjörningarkvöld í Nýló fimmtudaginn 27. næstkomandi. Þeir nemar sem vilja koma og vera með er það velkomið, við köllum þetta "open mic" og eru áætlaðar sirka 2 mínútur á mann, ekkert voða alvarlegt og flest allt er leyfilegt. Þeir sem hafa áhuga eða vilja kynna sér þetta nánar geta mætt á fund í skólanum á mánudag með honum Huginn. Tímasetning á þeim fundi er ekki alveg ákveðin ennþá þó.

Vísindaferð!

Til að bæta rjómann þá verður líka Vísindaferð á Föstudaginn. Í þetta sinn er það Fíton auglýsingastofa  sem býður 20 heppnum einstaklingum að koma og kíkja á sig kl: 14:00. Endilega skráið ykkur á blað í matsölunni.

Blogsíða fyrir myndlistarnema

Halló, þetta er ný blog síða og hér má gera ýmislegt. Á síðunni muna koma fram tilkynningar um viðburði nemendafélagsins og öllu sem því tengist. Þessi síða verður einnig opin vettvangur fyrir nemendur til að birta verk á veraldarvefnum. Ef áhugi er fyrir því endilega hafið samband við stjórn nemendafélagsins.  En þá að fyrstu tilkynningunni:

 BJÓRKVÖLD!!!!

Föstudaginn 21. nóvember, byrjar klukkan 8 til guð má vita hvað...bjórinn á 500 kr, ekki slæmt og einnig afsláttur á víni.  Sama kvöld mun úrslit í nafnakeppninni vera kynnt. Svo ef þú villt  sjá þína tillögu ritaða með hvítri krít á grænni töflu í nostalgíu fyllerí, þá skaltu taka þátt og sjá hvað setur.

Bjórkvöldið verður haldið á Café Amsterdam og mun vera tekið vel á móti okkur þar. Glöggir lesendur hafa kannski tekið eftir sviðinu þar en ef áhugi er fyrir hendi þá er hugsanlega hægt að nýta sér það á bjórkvöldum.  

Doei